Angela Merkel almanları antisemitizmə qarşı fəallığa səslədi 
Almaniya kansleri Angela Merkel bazar günü atisemitizmlə bağlı narahaçılığnı bildirib. İsrail Qəzzada hərbi əməliyyatlara başlayandan indiyə kimi Almaniyada yəhudilərə münasibət kəskin şəkildə pisləşib. Sinaqoqlara basqınlar çoxalıb. Son vaxtlar bu məsələyə xüsusi önəm verən kansler deyib: “Yəhudiyə hücum edən Almaniyaya hücum edir”. Bu barədə “The Jerusalem Post” qəzeti xəbər yayıb.
Siyasi müşahidəçilər qeyd edirlər ki, yəhudilərə münasibət bütövlükdə Avropa pisləşib. Bu da Qəzzada törədilən qırğınla birbaşa əlaqəlidir.
“Bu dəhşətdir, Almaniyada yaşayan insanlar özlərini təhlükədən kənarda hiss etmirlər. Biz bunu belə qoya bilmərik”, kansler Angela Merkel özünə xas olmayan sərtliklə xəbərdarlıq edib.
“Bizim milli və vətəndaş borcumuz antisemitizmə qarşı mübarizədə fəal olmaqdadır”, Merkel deyib.
Rəsmi məlumatlara görə Almaniyada antisemitizmlə bağlı iyun ayında 130 hadisə qeydə alınıb. İyulda isə bu göstəricidə xeyli geriləmə olub-cəmi 53 hadisə qeydiyyatdan keçib.
Son şərhlər