Ukraynalı jurnalist:” Bir həftə rusların mühasirəsində çoxlu sayda əsgər həyatını itirdi”

Ukraynalı jurnalist Rostislav Şapoşnikov İlovaysk şəhərində baş verən hadisələrdən danışıb.

Avropa.info xarici KİV-ə istinadən xəbər verir ki, o, bir həftə rusların mühasirəsində olduqlarını və çoxlu sayda insanın hələk olduğunu bildirib.

Jurnalist döyüşləri özü izlədiyini deyib: “Mən ukraynalı əsgərlərlə bir həftə səngərdə güllə və raket yağışı altında qaldım. Rusiyalı əsgərlər açıq hədəf olan ukraynalı əsgərləri güllələməkdə idi, biz artıq yaşamaq ümidimizi tam itirmişdik, yemək, su, ehtiyyatı bitmiş, yaralı əsgərlərimiz gözümüzün önündə həlak olurdu. Onlara heç bir kömək edə bilmirdik bu çox dəhşətli bir səhnə idi. Daha sonra biz bildirildi ki, Putin bizim mühasirədən çıxmağımız üçün dəhliz yaradılmasına icazə verib. Mən güllə keçirməyən maşınla hərəkət edirdim, biz bir müddət irəlilədikdən sonra yolun kənarında olan iri çaplı silahlardan bizim kolon atəşə tutulmağa başladı, onlar sanki tir oyunu oynayırdılar açıq hədəfdə olan bizim maşınlar bütün istiqamətlərdən atəşə tutuldu. Qeyd etdiyim kimi mən güllə keçirməyən avtomobildə olduğuma görə sağ qala bildim. Bizlə birgə mühasirədən çıxan çoxlu sayda əsgər isə həmin hadisə zamanı həyatını itirdi”.