“Bir müddət əvvəl bölgələrdə konsert proqramlarıyla çıxışlarımız olurdu. Həmin 
tədbirlərdə bəzi həmkarlarımı yenidən və daha yaxşı tanımaq imkanım oldu. Bəziləri səhnəyə sərxoş çıxmışdı. Əgər duet ortağı olmasaydı, səhnədən aşıb icra başçısının ayağı altına düşəcəkdi”. Bu qalmaqallı fikirləri “Azəristar- 2006″ müsabiqəsinin laureatlarından olan gənc müğənni Fidan Süleymanova Publika.az-a açıqlamasında səsləndirib.
Gənc ifaçı sənət yoldaşları barədə dəhşətli faktların üstünü açıb: “Efirdə dindar, mömin cildinə girən sənətçilər var ki, məclislərdə qadın həmkarlarının yanında biabırçı hərəkətlər edirlər. Ona görə də sənət aləmində heç kimlə, demək olar ki, yaxın ünsiyyətim yoxdur. Hətta bir neçə dəfə mən olan məclisdə də artıq-əskik kəlimələr işlətmək istəyiblər. Məclisi tərk eləmişəm”.
F.Süleymanovanın sözlərinə görə, ən pisi odur ki, qadın sənətçilər də efirdən kənar qeyri-etik davranışlarında kişilərdən geri qalmırlar: “Vallah elə hərəkət edirlər ki, adam müğənni olduğuna utanır. İndiyə kimi çalışmışam ki, belə məsələlər haqda danışmayım. Bundan sonra hamısını adbaad deyəcəyəm”. Gənc müğənni sonda sənət yenilikləri barədə də danışıb: “Sənətimdə ciddi dəyişikliklər etməyi düşünürəm. Yəqin ki, indiyə kimi üstünlük verdiyim fantazi-arabesk janrından bir qədər kənarlaşacam. Geyim tərzimdə də dəyişikliklər gözlənilir. Bu vaxta qədər daha çox qapalı geyimlərə üstünlük verirdim. Ancaq tezliklə məni tam başqa cür görəcəksiniz. Açıq-saçıq, hətta çimərlik geyimində fotosessiyalarım olacaq”.
Son şərhlər