İranda rejim əleyhinə etirazlarda iştirak etdiklərinə görə 139 əcnəbi həbs edilib.
Elchi.az xəbər verir ki, ötən il dekabrın 28-də yaşayış xərclərinin yüksək olmasına cavab olaraq başlayan və hökumət əleyhinə etirazlara çevrilən nümayişlərdə iştirak edənlərlə bağlı istintaq davam edir. İran polisi bildirib ki, Yəzd əyalətində hökumət əleyhinə etirazlarda iştirak etdiklərinə görə 139 əcnəbi vətəndaş həbs edilib.
Yəzd polis rəisi Əhməd Negahban İnqilab Keşikçiləri Korpusu ilə yaxın əlaqələri ilə tanınan Tasnim Xəbər Agentliyinə bildirib ki, “Bu şəxslər üsyanların təşkilində, təhrikində və idarə olunmasında fəal rol oynayıblar; bəzi hallarda onlar xaricdəki şəbəkələrlə də əlaqədə olublar”.
Negahban həbs olunanların milliyyətləri barədə ətraflı məlumat verməyib. İran Məhkəməsinin sözçüsü Əsgər Cahangir bu gün verdiyi açıqlamada bildirib ki, “ABŞ-ın bu təxribatını dəstəkləyən və rol oynayanlar heç vaxt bağışlanmayacaq”. İran rəsmiləri dünən Tehranda baş verən zorakılıqlarda iştirak etmək ittihamı ilə dörd xarici vətəndaşın həbs olunduğunu bildiriblər.
Şayəstə
