İtaliya Tehrandakı diplomatik nümayəndəliyində işçilərin sayını əhəmiyyətli dərəcədə azaldır və onların əksəriyyəti geri qayıdacaq.
Elchi.az xəbər verir ki, bu barədə İtaliya Xarici İşlər Nazirliyinin mətbuat xidmətinin yaydığı bəyanatda bildirilir.
Xəbər verdiyimiz kimi, ötən gün İtaliyanın xarici işlər naziri və baş nazirin müavini Antonio Tajaninin sədrliyi ilə Xarici İşlər Nazirliyinin böhran qrupunun iclası keçirilib və onun yekununda qərar qəbul edilib. “Nazir İtaliya vətəndaşlarının maraqlarının prioritet olaraq qalacağını təsdiqləyib və yaxın vaxtlarda İtaliyaya qayıdacaq diplomatik missiyanın heyətinin əhəmiyyətli dərəcədə ixtisar edilməsi barədə göstəriş verib”, – məlumatda deyilir.
İclasda İtaliyanın Tehran, Təl-Əviv və Vaşinqtondakı səfirləri ilə yanaşı, Brüsseldəki daimi nümayəndəsinin də iştirak etdiyi bildirilir.
Yeganə
