“Məhz Rusiya raketləri, Rusiyanın Ukraynanı dağıtmaq cəhdləri Rusiyanın heç bir razılaşmaya ehtiyacı olmadığının əyani sübutudur…”.
Elchi.az xəbər verir ki, bu fikirləri Ukrayna prezidenti Volodimir Zelenski bildirib.
O, qeyd edib ki, Ukrayna heç vaxt sülhə əngəl olmayıb və olmayacaq və bununla da ABŞ prezidenti Donald Trampın Moskvanın deyil, Kiyevin potensial sazişin bağlanmasına guya mane olması ilə bağlı iddiasına cavab verib.
“Məhz Rusiya raketləri, Rusiyanın Ukraynanı məhv etmək cəhdləri Rusiyanın heç bir razılaşmaya ehtiyacı olmadığının əyani sübutudur. Rusiyaya görə ukraynalılar 20-30 saat işıqsız qalanda, Rusiyanın zərbələri bizim enerji sistemimizi, xalqımızı pozmağa yönələndə, Rusiyaya təzyiq etmək lazımdır. Bu işdə Ukraynaya dəstək olan hər kəsə təşəkkür edirəm. Biz diplomatik işimizdə daha fəal olacağıq – istər ictimai, istər rəsmi, istərsə də qeyri-ictimai və qeyri-rəsmi”, – deyə Zelenski bildirib.
Yeganə
