Latviyanın Milli Elektron Kütləvi İnformasiya Vasitələri Şurasının (NEPLP) rəhbəri İvars Abolinş ölkədə rusdilli radio yayımının səkkiz il ərzində dayandırılmasını təklif edir.
Elchi.az xəbər verir ki, bu barədə Latviyanın LSM Radio və Televiziya portalı məlumat yayıb.
“Abolinşin sözlərinə görə, o, yanvarın 14-də parlamentə səkkiz il ərzində rusdilli radio yayımının mərhələli şəkildə dayandırılmasını tələb edən təklif təqdim edib”, – məlumatda deyilir.
Şura rəhbəri təklif edir ki, rusdilli radiostansiyalar üçün lisenziyaların uzadılması yox, onların müddətinin bitməsini gözləmək lazımdır. Onun sözlərinə görə, sonuncu lisenziyanın müddəti 2034-cü ildə başa çatır. Abolinş hesab edir ki, bu, rusdilli radio yayımından imtina etməyin yeganə ağlabatan və hüquqi cəhətdən düzgün yoludur.
Onun sözlərinə görə, ölkədəki 40 radiostansiyadan 13-ü rus dilində yayımlanır.
Yanvarın 1-də Baltikyanı respublikanın hakimiyyət orqanları dövlət KİV-lərində rusdilli televiziya və radio yayımına qadağa qoyub, rus dilində dövri nəşrlərin və kitabların satışına ƏDV-ni 21%-ə çatdırıb, məktəblərdə rus dilinin ikinci xarici dil kimi tədrisini qadağan edib.
Beləliklə, Latviya vahid informasiya məkanı yaradır, bütün məzmunu latış və ya Aİ dillərindən birində olmalıdır. Riqa bunun üçün milli təhlükəsizlik mülahizələrinə istinad edərək, ölkə sakinlərinin demək olar ki, 40%-nin rus dilində danışmasına məhəl qoymur.
Yeganə
