Dekabrın 27-də Ədalət, Hüquq, Demokratiya (ƏHD) Partiyası Ali Məclisinin növbəti iclası keçirilib.
ƏHD Partiyası mətbuat xidmətindən Xalqcəbhəsi.az-a verilən məlumata görə, gündəlikdə olan məsələlərlə bağlı partiyanın Ali Məclis sədri Vaqif Abışov məlumat verib.
İclasda təşkilati işlər, respublikada və dünyada ictimai-siyasi vəziyyət, partiyanın qarşısında duran vəzifələr və cari məsələlər müzakirə olunub. Partiyanın Ali Məclisinin tərkibinə yeni üzvlər təsdiq edilib.
ƏHD Partiyasının sədri, millət vəkil Qüdrət Həsənquliyev respublikada və dünyada ictimai-siyasi vəziyyət və partiyanın qarşısında duran vəzifələrlə bağlı məruzə edib.
Daha sonra ƏHD Partiyasının Baş katibi Niyaməddin Orduxanlı təşkilati işlərlə bağlı məlumat verib.
İclasda həmçinin Ali Məclis üzvlərinin sualları cavablandırılıb.
Müzakirələrdən sonra müvafiq qərarlar qəbul olunub.
