Günəş Sisteminin xaricindən gəldiyi qeydə alınan üçüncü səma cisminin “3I/ATLAS” kometi sabah Yerə ən yaxın nöqtəsinə çatacaq.
Elchi.az xəbər verir ki, Space.com veb saytında yer alan məlumata görə, astronomik müşahidələr göstərir ki, 3I/ATLAS sabah Yerdən təxminən 270 milyon kilometr məsafədən keçəcək.
Bu məsafə Yer ilə Günəş arasındakı məsafənin təxminən ikiqatıdır və cisim heç bir təhlükə yaratmayacaq.
Alimlər kometin Yerə ən yaxın olduğu zaman müşahidə edilə bilən işıq xüsusiyyətlərini və qaz və toz quruluşunu araşdıraraq ulduzlararası cisimlərin mənşəyi və tərkibi haqqında yeni məlumatlar əldə etməyi hədəfləyirlər.
Hadisə peyk və onlayn teleskop yayımları vasitəsilə müşahidə edilə bilər, lakin cismin Yerdən çılpaq gözlə görünməsi gözlənilmir.
3I/ATLAS kometi 1 iyulda Çilidə ATLAS Teleskopu tərəfindən kəşf edilib. Kometa Günəş Sisteminin xaricindən gəldiyi düşünülən üçüncü məlum səma cismidir.
Şayəstə
