Hindistanın Carxand əyalətinin Ramqarh bölgəsində 42 fil sürüsünün kəndlilərə hücum etdiyi və bir neçə saat ərzində dörd nəfərin öldüyü bildirilir.
Elchi.az “New Indian Express”ə istinadən xəbər verir ki, Ramqarh bölgəsindəki kəndlərdə vəhşi fil sürülərinin təkrar hücumları panikaya səbəb olub.
İlk hücum dekabrın 16-da, yerli vaxtla günortadan sonra baş verib. Şahidlərin sözlərinə görə, yerli sakinlər yol kənarında dincələn fil sürüsünə yaxınlaşıb və onlarla şəkil çəkdirməyə çalışıblar.
Fillərdən biri çox yaxınlaşan 33 yaşlı kişini tutub tapdalayıb öldürüb.
Həmin gecənin sonlarında, eyni sürü başqa bir kəndə girdikdən sonra, fillərin yüksək səslərindən qorxanlar evlərindən qaçmağa başlayıblar. Baş verən xaosda 40 və 45 yaşlarında iki qadın fillər tərəfindən tapdalanaraq öldürülüb.
Daha sonra fil sürüsünün hücumuna məruz qalan 35 yaşlı motosikletçi də həyatını itirib.
Məryəm
