Avropa Komissiyası dekabrın 5-də axşam saatlarında Almaniya, Belçika və Avropa Komissiyası arasında Ukrayna üçün “təzminat krediti” adı altında Rusiya aktivlərinin ekspropriasiya planını müzakirə etmək üçün görüşü təsdiqləyib.
Elchi.az xəbər verir ki, bu barədə Avropa Komissiyasının mətbuat xidmətinin rəhbəri Paula Pinyo məlumat verib.
“Avropa Komissiyasının sədri Ursula fon der Leyen bu gün Almaniya kansleri Fridrix Merz və Belçikanın baş naziri Bart de Veverlə təzminat krediti planını müzakirə etmək üçün görüşəcək. Bu, bu məsələni ən yüksək səviyyədə müzakirə etmək üçün ilk fürsət olacaq”, – deyə o, qarşıdan gələn məsləhətləşmələrlə bağlı əlavə təfərrüatları verməkdən imtina edib.
O vurğulayıb ki, Avropa Komissiyası dekabrın 18-19-da keçiriləcək Aİ sammitində qərar qəbul etmək üçün “bu planı bütün Aİ ölkələri, o cümlədən Belçika ilə müzakirə etmək” niyyətindədir.
Məryəm
