Hizbullah hərəkatı Papa XIV Leo-nu həftə sonu Beyruta gələn Papanı İsrailin Livana qarşı hücumunu pisləməyə çağırıb.
Elchi.az xəbər verir ki, bu barədə AFP məlumat yayıb.
“Bir il əvvəl döyüşlər dayandırmalı idi, lakin İsrail Hizbullah döyüşçülərini və obyektlərini hədəf aldığını iddia edərək Livana müntəzəm zərbələr endirməkdə davam edir. Livanın cənubunda strateji hesab etdiyi beş yerdə qoşun saxlayır. ABŞ-nin şiddətli təzyiqi və İsrailin hücumlarından qorxan hökumət Hizbullahı tərksilah edəcəyinə söz verdi, lakin biz bu addımı rədd etdik”.
Hərəkat bəyan edib ki, İsrailin “Livandakı hərəkətləri qəbuledilməzdir, davam edən təcavüzdür.
Bəyanatda deyilir: “Biz sionist işğalçılar və onların havadarları tərəfindən xalqımıza qarşı törədilən haqsızlıq və təcavüzü rədd etmək üçün Həzrətinizin mövqeyinə arxalanırıq”.
Cümə günü Hizbullah lideri Naim Qassem Papanın Livana gözlənilən səfərini alqışlayıb və qeyd edib ki, o, hərəkat üzvlərinə Papaya məktub çatdırmağı tapşırıb və bu məktub da mətbuatda dərc olunacaq.
