Fransa Rusiya ilə potensial münaqişə ilə bağlı artan narahatlıqlar səbəbindən 25 il əvvəl ləğv edilmiş məhdud hərbi xidmət formasını bərpa edəcək.
Elchi.az xəbər verir ki, Prezident Emmanuel Makron gənc kişi və qadınların könüllü olaraq 10 aylıq ödənişli hərbi təlim almasını nəzərdə tutan yeni bir plan açıqladı.
Proqram gələn yaydan etibarən mərhələli şəkildə həyata keçiriləcək. Əvvəlcə 18 və 19 yaşlı gənclər qəbul ediləcək və aylıq ödəniş ən azı 800 avro olacaq.
Qrenobl yaxınlığındakı piyada bazasında çıxış edən Makron dedi: “Təhlükədən qaçmağın yeganə yolu ona hazırlaşmaqdır. Özümüzü müdafiə etmək, hazır olmaq və hörmət qazanmaq üçün milləti səfərbər etməliyik”. O, bu xidmətin “gənclərə inamın nümayişi” olduğunu söylədi.
Proqramın əvvəlcə 2026-cı ildə 3000 gənci əhatə edəcəyi və 2035-ci ilə qədər bu rəqəmin 50.000-ə çatdırılması planlaşdırıldığı açıqlandı. Fransada hazırda 200.000 əsgər və 47.000 ehtiyat personal var. Yeni qaydalar peşəkar əsgərlərdən, ehtiyatda olanlardan və könüllülərdən ibarət üç səviyyəli bir struktur yaratmağı hədəfləyir.
Şayəstə
