ABŞ prezidenti Donald Trampın amerikalılar arasında populyarlıq reytinqi 40% təşkil edir.
Elchi.az xəbər verir ki, bu, “CBS News”un keçirdiyi sorğunun nəticələridir.
Respondentlərin prezidentin fəaliyyəti ilə bağlı ən çox bəyənmədiyi şey ərzaq qiymətlərinin artmasıdır: respondentlərin 65%-i Trampın fəaliyyəti ilə ərzaq səbətinin qiyməti arasında birbaşa əlaqə olduğunu görür. Sorğuda iştirak edənlərin yalnız 36%-i Vaşinqton administrasiyasının ölkənin iqtisadi problemlərini həll etdiyinə inanır, 45%-i isə immiqrantların deportasiyası ilə bağlı addımlarını bəyənir.
Respondentlərin 82%-i uşağa təcavüzdə təqsirli bilinən və sonradan intihar edən maliyyəçi Cefri Epşteynin işi ilə bağlı materialların hökumətin yayılmasını vacib sayır, 37%-i isə bu fayllardakı yeni məlumatların doğru olacağına əmindir.
Respondentlərin 64 faizi bu materialların dərcinin Trampın prezidentliyini dəyərləndirmələri üçün vacib olacağını bildirib.
Sorğu noyabrın 19-dan 21-dək aparılıb və 2500-ə yaxın amerikalı iştirak edib.
Wall Street Journal iyul ayında oxşar ictimai rəy sorğusu keçirib və bu sorğuda Trampın prezident kimi bəyənmə reytinqi 46% təşkil edib.
Yeganə
