Kolumbiya Karib dənizində batan və “gəmi qəzalarının müqəddəs qədəhi” adlandırılan İspaniya hərbi gəmisi San Jose-dən ilk artefaktları bərpa edib. Hakimiyyət orqanları qəzadan qızıl və bürünc sikkələrin, çini fincan və topun çıxarıldığını açıqlayıb.
Elchi.az xəbər verir ki, San Jose 1708-ci ildə İspaniya Varisliyi Müharibəsi zamanı Britaniya Kral Donanması tərəfindən batırılıb. Gəmidə İspaniya kralına Peru və Kolumbiya kimi Latın Amerikasındakı İspan koloniyalarından götürülmüş çoxlu miqdarda qızıl, gümüş və zümrüd daşıyıb.
Bu xəzinənin hazırkı dəyərinin milyardlarla dollar olduğu təxmin edilir.
Milyardlarla dollarlıq məhkəmə çəkişməsi
Xəzinənin mülkiyyəti ilə bağlı gərgin hüquqi mübarizə gedir. Kolumbiya hökuməti qəzanı 2015-ci ildə beynəlxalq alimlərin dəstəyi ilə aşkar etdiyini iddia edir. Lakin ABŞ-da yerləşən dəniz xilasetmə şirkəti Sea Search-Armada (SSA) gəminin 1980-ci illərdə onlar tərəfindən tapıldığını və təxminən 10 milyard dollar tələb etdiyini iddia edərək Daimi Arbitraj Məhkəməsinə iddia qaldırdı.
Kolumbiya mədəniyyət naziri Yannai Kadamani Fonrodona xilasetmə əməliyyatını “tarixi hadisə” adlandırdı və bunun ölkənin sualtı mədəni irsini qorumaq qabiliyyətini nümayiş etdirdiyini bildirdi.
Kolumbiya Antropologiya və Tarix İnstitutunun direktoru Alhena Caicedo Fernández bildirib ki, bu tapıntılar vətəndaşlara San Jose tarixini araşdırmaq üçün konkret dəlillər təqdim edir.
Şayəstə
