ABŞ-ın Ukrayna Prezidenti Volodimir Zelenskiyə müharibəyə son qoymaq üçün “diplomatiyanı gücləndirə biləcək plan layihəsi” göndərdiyi bildirilir.
Elchi.az xəbər verir ki, Ukrayna Prezident Aparatından verilən yazılı açıqlamada ABŞ-ın Zelenskiyə Rusiya-Ukrayna müharibəsinə son qoymaq üçün diplomatik prosesi gücləndirə biləcək bir plan göndərdiyi bildirilir.
Bəyanatda deyilir: “Ukrayna Prezidenti ABŞ tərəfindən göndərilən plan layihəsini rəsmi olaraq alıb. ABŞ tərəfi bu planın diplomatiyanı gücləndirə biləcəyini bildirir.”
Bəyanatda Zelenskinin bu gün planı müzakirə etmək üçün Ukrayna rəsmiləri ilə görüş keçirdiyi və aşağıdakı bəyanatı özündə əks etdirdiyi qeyd olunur:
“Ukrayna Prezidenti xalqımız üçün vacib olan fundamental prinsipləri açıqladı və bugünkü görüşdən sonra müharibənin şərəflə bitməsini təmin etmək üçün planın müddəaları üzərində işləmək barədə razılığa gəldik.” Bəyanatda bildirilir ki, Zelenskiy yaxın günlərdə məsələni müzakirə etmək üçün ABŞ Prezidenti Donald Trampla görüşəcək. Bəyanatda davam edilir: “Ukrayna Rusiyanın işğalının ilk saniyələrindən bəri sülhə can atır və əsl sülhü yaxınlaşdıra biləcək bütün mənalı təklifləri dəstəkləyir. İlin əvvəlindən bəri Ukrayna Prezident Trampın qan tökülməsinə son qoymaq üçün təkliflərini dəstəkləyib. Sülhə nail olmaq üçün Amerika tərəfi və Avropadakı və dünyadakı müttəfiqlərimizlə konstruktiv işləməyə hazırıq. Ukrayna Prezidentinin yaxın günlərdə Prezident Trampla mövcud diplomatik imkanları və sülh üçün zəruri olan fundamental məqamları müzakirə etməsi gözlənilir.”
Şayəstə
