Titanikdə həlak olan ən varlı sərnişinlərdən biri olan İsidor Strausa məxsus qızıl cib saatı 22 noyabrda keçiriləcək hərracda 1 milyon funt sterlinqə satıla bilər.
Elchi.az xəbər verir ki, Ştraus və həyat yoldaşı İda 14 aprel 1912-ci ildə Sauthemptondan Nyu-Yorka gedən gəminin aysberqə çırpılması nəticəsində həlak olan 1500-dən çox sərnişin arasında idilər. Strausun cəsədi qəzadan bir neçə gün sonra Atlantik okeanından tapıldı və onun yanında 18 karatlıq qızıl Jules Jurgensen cib saatı tapıldı.
“Bu saatla İsidorun hekayəsini yenidən danışırıq. Bu, fövqəladə bir xatirə əsəridir”, – deyə Uiltşirdə yerləşən Henry Aldridge & Son hərrac evinin direktoru Endryu Oldric BBC-yə bildirib..PNG)
Cütlüyün hekayəsi “Titanik” filmində əbədiləşdirilib
Bavariyada anadan olmuş iş adamı və siyasətçi İsidor Ştraus Nyu-Yorkdakı məşhur Macy’s univermaqının həmtəsisçisi idi. Oldric dedi: “Onlar Nyu-Yorkda çox tanınmış cütlük idilər. Ceyms Kameronun “Titanik” gəmisində gəmi batarkən qucaqlaşan yaşlı cütlük İsidor və İdadır”.
Məlumdur ki, fəlakət gecəsi İda xilasetmə gəmisinə minməkdən imtina edib və ərinin yanında qalaraq “Bütün bu illər ərzində bir yerdə olmuşuq, hara getsəniz də sizinlə birlikdə olacağam” deyib. İdanın cəsədi heç vaxt tapılmayıb.
Şayəstə
