Paytaxtın Nizami rayonunda polis əməkdaşları keçidlərdən istifadə etməyən vətəndaşlara piyadaların həyatını itirməsi ilə nəticələnən yol-nəqliyyat hadisələrinin real görüntülərini nümayiş etdiriblər.
Bu barədə Elchi.az-a Daxili İşlər Nazirliyinin mətbuat xidmətindən məlumat verilib.
Bildirilib ki, Nizami Rayon Polis İdarəsinin Dövlət Yol Polisi Şöbəsinin əməkdaşları paytaxtın Qara Qarayev prospektində və ətraf küçələrdə maarifləndirici tədbir keçiriblər.
Tədbir zamanı yeraltı keçidlərdən və piyada zolaqlarından istifadə etməyən şəxslərə xəbərdarlıq olunub, qaydalara əməl etməyin vacibliyi izah olunub. Söhbətlər zamanı piyadaların iştirakı və ölüm faktı ilə nəticələnmiş qəzaların real görüntüləri nümayiş etdirilib.
Vətəndaşlara bildirilib ki, belə faciələrin qarşısını almağın yeganə yolu müəyyən olunmuş keçidlərdən istifadə etmək və yol hərəkəti qaydalarına riayət etməkdir.
Paytaxt ərazisində bu istiqamətdə profilaktik tədbirlər davam etdirilir.
Əla tədbirdi. Axı, bakda keçidlərdən istifadə eləmək çox da çətin deyil. Belə şeyləri göstərəndə adamın başa düşür ki, yolda diqqətli olmaq lazımdı. Elə tezliklə ölüm olur ki, yəni bu dəhşətli hadisələri görəndən sonra qaydalara əməl eləmək lap vacibdi.
Cox yerinde bir hereket olub. Polisimiz bu cur xeberdarlıq edende insanlar daha yaxsi basa dusur. Bakida bu cur tehlike coxdu, hemishe diqqetli olmaq lazimdi. Bele videolar cox tesirlidi, inaniram ki, bu shekil hal hazirda cox adam ucun ders olacaq.
Düzdü deyəni, xəbərdarlıq eləmək yaxşıdı. Adamlar da görsün ki, keçidlərdən istifadə eləməyəndə nələr olur. Belə şeyləri göstərməklə az da olsa qəza sayını azaltmaq olar Bakıda. Yaxşı eliyiblər.