Heydər Əliyev adına Beynəlxalq Hava Limanında taksi xidmətində yaranmış vəziyyətin bərabərlik hüququnun təmini baxımından monitorinqi aparılıb.
Ombudsman Aparatından Elchi.az-a verilən məlumata görə, Azərbaycan Respublikasının İnsan Hüquqları üzrə Müvəkkili (Ombudsman) Aparatının əməkdaşları tərəfindən Heydər Əliyev adına Beynəlxalq Hava Limanında 10 sentyabr 2025-ci ildən taksi xidmətinin həyata keçirilməsi sahəsində tətbiq edilən xüsusi tarif siyasəti nəticəsində yaranmış vəziyyətin bərabərlik hüququnun təmini baxımından monitorinqi aparılıb.
Monitorinq nəticəsində müəyyən olunub ki, yeni qaydalar qiymətlərin süni şəkildə artırılmasına, sərnişinlərin seçim imkanlarının məhdudlaşdırılmasına, lisenziyalı taksi xidmətləri göstərən şəxslərə bərabər imkanların yaradılmamasına, sürücülərin iqtisadi itkilərlə üzləşməsinə və sosial narazılıqların yaranmasına səbəb olur.
Tətbiq edilən yeni tarif siyasəti Azərbaycan Respublikası Konstitusiyasının 25-ci maddəsinin (Bərabərlik hüququ) və 59 maddəsinin (Azad sahibkarlıq hüququ), habelə Rəqabət Məcəlləsinin müddəalarına uyğun gəlmir.
Ombudsman tərəfindən vətəndaşların konstitusion hüquqlarının təmini, tariflərin şəffaf və ədalətli mexanizm əsasında formalaşdırılması, bütün lisenziyalı taksi xidmətləri üçün bərabər imkanların yaradılması, rəqabət mühitinin qorunması istiqamətində müvafiq tədbirlərin həyata keçirilməsi məqsədilə aidiyyəti dövlət qurumlarına monitorinqin nəticələri ilə bağlı müraciət ünvanlanacaq.
Ombudsmanın bu mövzuda narahatlığını başa düşürəm. Həqiqətən də aeroportda taksi qiymətlərinin artması insanları narahat edir. Ümid edirəm ki, bu məsələ tezliklə həllini tapar.
Bu məlumatı gördüyümə sevindim. Aeroportda taksi xidmətinin qiymətlərindəki dəyişikliklər maraqlıdır. Ombudsmanın bərabərlik hüququnu təmin etmək üçün monitorinq aparması çox vacibdir. Yaranan vəziyyətin hər kəs üçün ədalətli olmasını təmin etmək lazımdır.
Bu məqalə mövzunun ən vacib məqamlarını əhatə edib. Hava limanında taksi xidmətindəki vəziyyətin bərabərlik hüququ baxımından monitorinqə cəlb olunması çox əhəmiyyətlidir. Ombudsmanın müəyyən etdiyi bu narahatlıqlar real həyatda qarşılaşdığımız problemləri əks etdirir. Bu cür məsələlərin diqqətdə saxlanması vacibdir.