Azərbaycan musiqisinin banisi, dahi bəstəkar Üzeyir Hacıbəylinin 140 illiyi münasibətilə Xankəndi şəhərində möhtəşəm musiqi axşamı təşkil olunub.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə xidmətinin ictimaiyyətlə əlaqələr şöbəsindən Elchi.az – a verilən məlumata görə, Xankəndi şəhəri Konqres Mərkəzində keçirilən konsert proqramında Bakı Musiqi Akademiyasının tələbə simfonik orkestri səhnəyə çıxaraq unudulmaz musiqi bayramı bəxş edib.
Orkestrin dirijorluğunu Ramiz Məlikaslanov, bədii rəhbərliyini isə xalq artisti, professor Fərhad Bədəlbəyli həyata keçirib. Tədbirdə Üzeyir Hacıbəylinin ölməz əsərləri ilə yanaşı, dünya musiqi xəzinəsinin incilərindən F.Mendelsonun simfoniyası da səslənib.
Qeyd edək ki, konsert proqramında Azərbaycan Prezidentinin Xankəndi şəhərində, Ağdərə və Xocalı rayonlarında xüsusi nümayəndəliyinin əməkdaşları, Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin əməkdaşları, Qarabağ Universitetinin professor-müəllim heyəti və tələbələri, Milli Məclisin deputatı Polad Bülbüloğlu, həmçinin ictimaiyyət nümayəndələri iştirak ediblər.
Tədbirdə çıxış edən Qarabağ Universitetinin rektoru Şahin Bayramov və xalq artisti, professor Fərhad Bədəlbəyli konsert proqramı ilə bağlı fikirlərini bölüşərək, Xankəndidə olmağın və bu şəhərdə belə bir konsertin keçirilməsini möcüzə adlandırıblar.
Millət vəkili Polad Bülbüloğlu da çıxışında deyib ki, Xankəndidə bu konsert proqramına tamaşa etmək onun çoxdankı arzusu olub: “Uzun illər biz bu cür tədbirləri yalnız Bakıda keçirmək məcburiyyətində qalırdıq. Artıq bir neçə ildir ki, torpaqlarımız azaddır və bu gün belə tədbirlər doğma Qarabağda keçirilir. Üzeyir Hacıbəylinin 140 illiyinin azad olunmuş torpaqlarda Xankəndidə və Şuşada qeyd olunması böyük xoşbəxtlikdir. Xankəndidə Qarabağ Universitetinin açılması və onun incəsənət fakültəsinin fəaliyyət göstərməsi isə ayrıca qürurverici hadisədir”.
Qeyd edək ki, konsert proqramı sentyabrın 18-də Şuşa şəhərində də davam etdiriləcək.
Bu məqaləni çox bəyəndim, möhtəşəm konsert haqqında məlumat üçün təşəkkürlər. Üzeyir Hacıbəylinin əsərlərinin Xankəndidə səslənməsi doğrudan da çox sevindirici haldır. Bu cür tədbirlərin davamlı olmasını arzu edirəm.
Bu möhtəşəm tədbir haqqında məlumat üçün təşəkkürlər! Üzeyir Hacıbəylinin əsərlərinin Xankəndidə səslənməsi necə də təsirlidir, elə deyilmi? Əslində, belə bir konsertin məhz o yerdə keçirilməsi həm də, musiqinin birləşdirici qüvvəsini bir daha xatırlatmırmı? Gələcəkdə də belə gözəl hadisələrin şahidi olacağımıza ümid edirəm.
Bu möhtəşəm tədbir haqqında məlumat üçün təşəkkürlər! Üzeyir Hacıbəylinin əsərlərinin Xankəndidə səslənməsi necə də təsirlidir, elə deyilmi?Əslində, belə bir konsertin məhz o yerdə keçirilməsi həm də, musiqinin birləşdirici qüvvəsini bir daha xatırlatmırmı? Gələcəkdə də belə gözəl hadisələrin şahidi olacağımıza ümid edirəm. Mən də sizinlə tam razıyam, Xankəndidə Üzeyir Hacıbəylinin 140 illik yubileyini qeyd etmək çox sevindirici haldır.Bu cür tədbirlər musiqinin gücünü və mədəniyyətimizi nümayiş etdirir.
Bu qədər gözəl musiqi axşamı təşkil olunduğuna sevindim. Lakin Xankəndidə belə bir tədbirin keçirilməsi barədə məlumatlar mənə bir qədər təəccüblü gəlir. Düşünürəm ki, bu cür önəmli tədbirlərin təşkilində daha çox diqqətli olmaq lazımdır. Gözəl konsert təşkil olunduğu üçün təşkilatçılara təşəkkür edirəm.
Bu gözəl musiqi axşamı barədə oxumaq çox xoş oldu. Üzeyir Hacıbəylinin ruhu şad olsun! Xankəndidə belə bir tədbirin keçirilməsi əsl möcüzədir, hər birimiz üçün böyük fərəh hissi yaradır. Təşkilatçılara minnətdarıq.
Xankəndidə Üzeyir Hacıbəyli adına konsert təşkil edilməsi çox xoş bir hadisədir. Dahi bəstəkarımızın 140 illiyini belə bir məkanda qeyd etmək, sanki musiqinin ruhu Xankəndinin küçələrində gəzirmiş kimi hiss etdirir. Bu, həm də musiqimizin Qarabağın hər bir guşəsinə yayılmasının simvoludur. Gələcəkdə də belə mədəni tədbirlərin davam etməsini arzulayıram.
Bu möhtəşəm konsert haqqında oxumaq çox xoş oldu. Xankəndidə Üzeyir Hacıbəylinin yubileyini qeyd etmək, sanki musiqinin ruhu o torpaqda yenidən canlanıb kimi hiss etdirir. Gələcəkdə də bu cür tədbirlərin davamını görmək istərdik.