Ukraynanın Xerson vilayətində Rusiya ordusunun artilleriya atəşləri nəticəsində 1 nəfər həlak olub, daha 8 nəfər yaralanıb.
Elchi.az -ın xəbərinə görə, bu barədə Xerson vilayətinin dövlət administrasiyasının rəhbəri Aleksandr Prokudin məlumat verib.
“Rusiya təcavüzü nəticəsində 1 nəfər həyatını itirib, 8 nəfər isə yaralanıb,” – deyə o, “Telegram” kanalında yazıb.
Prokudin qeyd edib ki, son sutka ərzində düşmən dronları, hava zərbələri və artilleriya atəşləri nəticəsində bir sıra şəhərlər atəşə tutulub.
Onun sözlərinə görə, Rusiya hərbçiləri kritik və sosial infrastruktur obyektlərini, yaşayış məhəllələrini hədəfə alıblar. 8 fərdi yaşayış evi zədələnib. Həmçinin yanacaqoldurma məntəqəsi, şəxsi qaraj və bir neçə avtomobilə ziyan dəyib.
