ABŞ prezidenti Donald Tramp İran və İsrailin atəşkəsi pozduğunu açıqlayıb.
Elchi.az xəbər verir ki, Hollandiyanın Haaqa şəhərində NATO sammitinə getməzdən əvvəl Ağ Evdə jurnalistlərə açıqlama verən Tramp hücumların davam etməsindən məyus olduğunu bildirib.
Həm İranın, həm də İsrailin atəşkəsi pozduğunu bildirən Tramp “İsraildən məmnun deyiləm” deyib.
Atəşkəs prosesi
Tramp gecə saatlarında İsrail ilə İran arasında atəşkəs əldə ediləcəyini, İsrail isə atəşkəsi qəbul etdiyini açıqlayıb.
Daha sonra atəşkəsin saat 07:00-da başlayacağı açıqlanıb.
İsrail atəşkəsdən sonra İrandan raketlər atıldığını iddia edib və İsrailin müdafiə naziri İrana hücum əmri verdiyini açıqlayıb.
İran Baş Qərargahı raketin İrandan atıldığı iddiasını təkzib edib.
Nuranə Məmmədova
