“Vaqner” rus ordusundan daha yaxşıdır – Pentaqon

Bu müharibədə “Vaqner” özəl hərbi şirkəti özünü Rusiyanın nizami ordusundan daha yaxşı göstərdi.
Elchi.az xəbər verir ki, bu barədə ABŞ müdafiə naziri Lloyd Ostin deyib.
Onun sözlərinə görə, vaqnerçilərin döyüş üsulları maraqlı, lakin ağlasığmazdır:
“Onlar mütəmadi olaraq öz hücumlarında məhbuslardan istifadə edirlər, lakin hesab edirəm ki, onlar artıq həbsxanalardan məhbus cəlb etmirlər. Amma bu cür üsullar həqiqətən maraqlı, açığı, ağlasığmaz idi. Gördük ki, məhbuslar döyüş meydanında tez həlak olurlar. Buna baxmayaraq, onlar nizami rus ordusundan daha yaxşıdır. Biz Rusiya qoşunlarının geniş miqyasda nümunəvi hərəkətlərini görməmişik”.