Böyük Britaniyada 20-yə yaxın ukraynalı hərbçi dördüncü nəsil F-16 qırıcıları üzrə təlimlərin birinci mərhələsinə başlayacaq.
Elchi.az Armenpress.am-a istinadən xəbər verir ki, bu barədə “Foreign Policy” jurnalı məlumat yayıb.
“Ukraynalı pilotlar üçün əsas yerüstü təlimlər keçiriləcək, bundan sonra onlar F-16 qırıcılarında (və ya digər hərbi təyyarələrdə) daha ixtisaslaşmış təlimlərə hazır olacaqlar”, -deyə mənbə bildirib.
ABŞ prezidenti Co Bayden bu yaxınlarda F-16-larla bağlı mövqeyini dəyişib. Əvvəlcə o, ukraynalı pilotların dördüncü nəsil F-16 qırıcı təyyarələrində hazırlanmasının tərəfdarı olduğunu bildirdi. İkincisi, indi ABŞ həm də üçüncü ölkələrin Kiyevə Amerika F-16-larının verilməsinin əleyhinə deyil.
Bayden administrasiyası hələ ki, Ukrayna pilotlarının təliminin harada keçiriləcəyini açıqlamayıb. Pentaqonun sözçüsü briqada generalı Patrik Rayder ötən gün bildirib ki, ABŞ və onun Avropadakı tərəfdaşları təlimin keçirilmə tarixlərini və yerlərini, həmçinin təlimin hansı ölkədə keçiriləcəyini müzakirə edirlər.
“Foreign Policy” qeyd edir ki, Hollandiyanın müdafiə naziri mayın 24-də parlamentə məktub göndərərək, idarənin ən qısa zamanda ukraynalı pilotların təliminə başlamağa hazır olduğunu bildirib. Norveç də çərşənbə günü bu prosesə qoşulmağa hazır olduğunu açıqlayıb.
Xatırladaq ki, bundan əvvəl, ABŞ prezidentinin milli təhlükəsizlik üzrə müşaviri Ceyk Sallivan bəyan etmişdi ki, Vaşinqton yaxın aylarda müttəfiqləri ilə hansı ölkələrin F-16 təyyarələrini Kiyevə təhvil verəcəyini müzakirə edəcək.
Yeganə
