İranın sabiq prezidenti Mahmud Əhmədinejadın vaxtında baş verən korrupsiya hallarının araşdırılması ilə bağlı 20 nəfər saxlanılıb.Avropa.info-nun xarici mətbuata istinadən verdiyi xəbərdə bildirilir ki, İranın kəşfiyyat idarəsinin rəhbəri Mahmud Ələvi Əhmədinejadın dövründə baş verən korrupsiya halları ilə bağlı aralarında əvvəlki hökumətin yüksək vəzifəli şəxslərinin də olduğu 20 nəfərin saxlanıldığını açıqlayıb.
Onun sözlərinə görə bundan başqa 30 nəfər də ifadə vermək üçün aidiyyatı orqanlara çağırılıb. O həmçinin saxlanılan 20 nəfərdən 3-nün artıq həbs olunduğunu bildirib.
Ələvi saxlanılanların kimliyi barəsində açıqlama verməsə də araşdırmanın davam etdiyini, araşdırmanın nəticələrinin daha sonra mətbuata açıqlanacağını söyləyib.
Son şərhlər