Ərdoğan: Təhlükəsizlik zolağını lazım olan yerə çəkməyimizə heç kim mane ola bilməz

42

Türkiyə (İstanbulun İstiqlal küçəsində törədilən terror aktı nəticəsində – red.) 6 günahsızın həyatına son qoyan hücuma İraq və Suriyanın şimalındakı terror hədəflərini yerlə-yeksan etməklə cavab verdi.

Elchi.az xəbər verir ki, bu barədə Türkiyə Prezidenti Rəcəb Tayyib Ərdoğan bildirib.

O qeyd edib ki, Türkiyə bütün terrorçuların kimliyini və harada olduqlarını bilir.

“Terrorçuları kimin himayə etdiyini, silahlandırdığını və təşviq etdiyini də çox yaxşı bilirik. Sərhədlərimizə və vətəndaşlarımıza hücumların davam etdiyi yerlərdə təhlükəsizlik zolağını lazım olan yerə çəkməyimizə heç kim mane ola və ya ona qarşı çıxa bilməz”, – deyə o bildirib.