NATO ölkələrinin xarici işlər nazirləri Çexiyanın paytaxtı Praqada Vaşinqton Sammiti öncəsi Alyansın gündəliyində duran məsələləri, xüsusilə də Ukraynaya dəstək məsələsini müzakirə etmək üçün qeyri-rəsmi görüş keçirəcəklər.
Elchi.az xəbər verir ki, Çexiyanın paytaxtı Praqada NATO ölkələrinin xarici işlər nazirləri görüşür.
Müttəfiq ölkələrin xarici işlər nazirləri bu il iyulun 9-11-də Vaşinqtonda keçiriləcək NATO sammitinə hazırlıq məqsədilə Praqada qeyri-rəsmi görüşlər keçirəcəklər.
İki gün davam edəcək toplantıda Türkiyəni xarici işlər naziri Hakan Fidan təmsil edəcək.
Nazirlər Alyansın gündəliyində olan çəkindirmə və müdafiə ilə bağlı məsələlər ətrafında fikir mübadiləsi aparacaq və Ukraynaya dəstəyi ətraflı müzakirə edəcəklər.
Xüsusilə hava hücumundan müdafiə və artilleriya sursatlarının tədarükünə diqqət yetiriləcək toplantıda davamlılığını təmin etmək üçün Ukraynaya verilən dəstəyi institutsionallaşdırmaq və Alyans daxilində ədalətli yük paylaşımını təmin etmək yolları axtarılacaq.
Hava hücumundan müdafiə məsələsinin Yunanıstan və Polşanın, eləcə də Ukrayna üçün təklif etdiyi “Avropada ümumi hava məkanı” təklifi kontekstində müzakirə olunacağı gözlənilir.
Şayəstə Hüseynova