Azərbaycanın İrandakı səfirliyinə silahlı hücumu kəskin şəkildə pisləyirik.
Elchi.az xəbər verir ki, bunu Türk Dövlətləri Təşkilatının (TDT) baş katibi Kubanıçbek Omurəliyev deyib.
“Mərhumun ailəsinə dərin hüznlə başsağlığı verir və yaralananların tezliklə sağalmasını arzulayırıq”, – o bildirib.
TDT-nin baş katibi İran hakimiyyətini hücumu hərtərəfli araşdırmağa və günahkarları məsuliyyətə cəlb etməyə çağırıb.
Xatırladaq ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.
XİN: Azərbaycan dost və qardaş xalq kimi İrana bütün lazımi dəstəyi verməyə hazırdır
“İran prezidenti İbrahim Rəisi, xarici işlər nazirini və digər rəsmiləri daşıyan helikopterin qəzaya uğraması ilə bağlı xəbər bizi dərindən narahat...